program Hello; begin writeln('Hello, world!'); end.
Hello, world!
Hello, world (Hallo, verden på norsk) er standardeksempelet på eit program som nyttast i innleiinga av bøker og «tutorials» som tek for seg eit programmeringsspråk. Frå hausten av får elevane ved Luster ungdomsskule moglegheit til å tre inn i ei, for dei fleste, heilt ny verd. Luster kommune er ein av dei kommunane som har fått godkjent søknaden om å delta i eit tre-årig pilotprosjekt med programmering som valfag. Gjennom dette faget får elevane blant anna jobba med ulike programmeringsspråk og nytte desse til å lage sine eigne program. Me gler oss over moglegheita til å gi elevane våre ny innsikt i den digitale kvardagen!