"Den gode melodi"

Torsdag 22.11 kl 13.15 blir det Prøysenkonsert i Jostedal samfunnshus (varer ca 50 min). Konserten er gratis og for alle i bygdi, Leif Blix og Lars Nygaard har turnert i heile landet sidan 1992. Dei har framført ulike program som t.d. Evert Taube og Erik Bye sine viser. No turnerer dei i Luster folkeakademi og besøker skular, oppvekstsenter og omsorgsenter i kommunen. I Jostedal blir det flott Prøysenkonsert, og det er høve til å syngje med på dei kjende og kjære visene til Alf Prøysen.
Leif Blix er skodespelar og songar, tekstforfattar og instruktør, er utdanna i London. Han har arbeida ved Den Nationale scene i Bergen, Nordland teater, Riksteateret og NRK.
Lars Nygaard er musikar, elev av trekkspellegenden Toralf Tollefsen, han har medverka på innspelingar både som trekkspelar og bassist med t.d. Di Derre og Wenche Myhre.