Elevane i 1.-4.trinn sprang og sprang med godt humør rundt idrettsbana, mange i ganske tunge dressar i det blaute vêret. Elevane i 5.-7.trinn sprang innover mot Espe, opp til 5,2 km totalt. Alle vart gode og slitne etter springinga, men det var god stemning, og etterpå fekk alle saft og frukt i lag. Etter den innsatsen er alle spente på innbetalinga til aksjonen! PS. Det er lov å støtte aksjonen utan å ha laga sponsoravtale med elev òg.

MÅNDAG hadde heile skulen fellestur frå Åsastølen og opp i Åsen. Me fortsette naturmålar-prosjektet vårt frå før sommaren, Arvid hadde opplegg der alle fekk lære å teikne landskap i naturen. Dei som ville i 5.-7.trinn fekk springe på Skorahammaren med Jostein før maten, det var populært. Me hadde fantastisk vêr, og ein koseleg og lærerik dag ute. Trykk "Les meir" for biletserie frå den flotte dagen.

17.mai i år heidra me mannen som gav oss nynorsken. I dag er sjølve jubileumsdagen, som vert markert mange plassar i landet.

Biletet her er teikninga Arvid, Martin og Mathilde laga til 17.mai. Teikninga vart seinare auksjonert vekk.

Med biletserie frå slutten av skuleåret - GOD SOMMAR til alle, og lukke til på ungdomsskulen til Kato, Hallvard, Marie, Gunnar og Henning!